23-октябрь күнү Бишкек шаарында (Карагачевая роща) Республикалык күзгү жеңил атлетика кроссу Жогорку, орто кесиптик окуу жайларынын студенттери жана жалпы билим берүү мектептеринин окуучуларынын катышуусунда өтөт.

Кыргызстандык балбан Айпери Медет кызы Сербияда өтө турчу 23 жашка чейинкилер арасындагы дүйнө чемпионатына катышат. 

Кыргызстандык спортчу Төрохан Багынбаев ACBJJ версиясы боюнча джиу-джитсу боюнча Россиянын ачык чемпионатынын жеңүүчүсү аталды.

Эртең 16-октябрь күнү WBC муай-тай версиясы боюнча Кыргыз Республикасынын чемпионаты өтөт.

Кыргыз спортчусу, коомдук ишмер Каныбек Осмоналиев 28-ноябрда өтө турган парламенттик шайлоого бир мандаттуу округ боюнча катышуу үчүн Борбордук шайлоо комиссиясына арыз калтырган. Бул тууралуу БШКнын расмий сайтына жарыяланды.

22-октябрь күнү саат 15:00дө Бишкектеги ден соолук паркында спорттук фестиваль өтөт. Бул тууралуу борбор калаанын мэриясынын басма сөз кызматы билдирди.

2-3 октябрь күндөрү Бишкек шаарында Газпром спорттук комплексинде UWW Грэпплинг федерациясы тарабынан республикалые чемпионаты болуп өттү.

Күрөш боюнча дүйнөлүк рейтингде Айпери Медет кызы 4-орунга чыкты. Жаңыланган рейтинг Норвегияда октябрдын башында өткөн дүйнөлүк чемпионаттын жыйынтыгы менен чыккан.

10-октябрь күнү Бишкекте "Газпром" спорт комплексинде Кыргызстандын эгемендүүлүгүнүн 30 жылдыгына карата ITF боюнча таэквондо боюнча Кыргыз Республикасынын ачык чемпионаты болуп өттү.

Кечээ 12-октябрь, «Манас» эл аралык аэропортунда (Бишкек шаары) спорттук күрөш боюнча Дүйнө чемпионатына катышкан Кыргыз Республикасынын эркин күрөш жана грек-рим күрөшү боюнча курама команданы тосуп алышты.   

Кечээ 10-октябрь күнү Бишкекте Күз деми эл аралык  марафону өттү. Аталган марафон бешинчи ирет өтүп жатат. Жарыштын катышуучулары  "Манас" аэропортунан баштап  ​​"Аска -Таш" мемориалдык комплекси боюнча 5, 10, 21 жана 42 км аралыкты басып өттү. Марафондун алкагында балдар жарышы да өткөрүлүп, ага 3-16 жашка чейинки балдар катышты. Иш-чаранын эң жаш катышуучусу 3 жашта болсо, эң улуусу 87 жашта.

Александр Юрьевич Заваринский «Дельфин» спорт мектебинин директору болуп шайланды. Бул тууралуу мэриянын басма сөз кызматы билдирди.

 Кечээ 9-октябрь күнү Дүйнө чемпионатына катышкан Кыргыз Республикасынын кыз-келиндер күрөшү боюнча курама командасы Бишкекке учуп келди.

Норвегияда өтүп жаткан Күрөш боюнча Дүйнө чемпионатында грек-рим күрөшүнөн 60 кг салмакта Жоламан Шаршенбеков күмүш медаль тагынды.

Жоламан Шаршенбеков Норвегияда өтүп жаткан күрөш боюнча дүйнө биринчилигинин финалына чыкты.

Норвегиянын Осло шаарында өтүп жаткан күрөш боюнча Дүйнө чемпионатында кыз-келиндер күрөшүнөн 68 килограмм салмакта кыргызстандык балбан Мээрим Жуманазарова алтын медаль тагынды. Ал бүгүн, 7-октябрда финалда жапониялык балбан Рин Мияжи менен беттешип, мөөнөтүнөн мурда 4:0 эсебинде жеңишке жетишти.

Казань шаарында "Татарстан Республикасынын Президентинин Кубогу" самбо боюнча Эл аралык турнир өттү. Бул тууралуу согуш Эл аралык федерациясынан билдирди 

Кыргызстандык спортчу Мээрим Жуманазарова күрөш боюнча дүйнө чемпионатынын жарым финалында россиялык Ханум Велиеваны женди. Мелдешти Бириккен күрөш дүйнөсү (United World Wrestling) уюмунун расмий сайты аркылуу түз эфирден көрсөтүп жатат.

Кыргызстандык балбан Мээрим Жуманазарова Норвегиянын Осло шаарында өтүп жаткан күрөш боюнча дүйнө биринчилигинин жарым финалына жолдомо алды.

Кыргызстандык спортчу Айпери Медет кызы бүгүн, 6-октябрда Норвегияда өтүп жаткан күрөш боюнча дүйнө чемпиондугунун коло медалы үчүн күрөшөт.

Айсулуу Тыныбекова Норвегияда өткөн дүйнө чемпионатынын алтын медаль тагынды. 

Кыргызстандын эркин күрөш боюнча улуттук курама командасы Ослодо (Норвегия) өткөн дүйнө чемпионатында 11-орунду камсыз кылды.

Кыргызстандык спортчу Мээрим Жуманазарова бүгүн күрөш боюнча дүйнө чемпионатындагы алгачкы беттешине чыгат. Бириккен күрөш дүйнөсү (United World Wrestling) уюмунун расмий сайтында айтылгандай, ал түштүк кореялык Минджи Хага каршы күрөшөт

Кыргызстандык балбан Айсулуу Тыныбекова кыз-келиндер күрөшү боюнча экинчи жолу дүйнө чемпиону аталды.

Кыргызстандык Эрназар Акматалиев Норвегияда өткөн күрөш боюнча Дүйнө чемпиондугунда күмүш медаль тагынды.

Кыргызстандык спортчу Айпери Медет кызы Норвегияда өтүп жаткан күрөш боюнча дүйнө чемпиондугунун жарым финалына чыкты. Ал 76 кг салмак категориясында катышууда.