Бишкекте спорттун 12 түрү боюнча «Мектеп лигасы» уланууда. Муниципалитеттен маалымдашкандай, мелдештерге Бишкек шаарындагы 100дөн ашык жалпы билим берүүчү мектеп, гимназия жана жеке мектептердин 15 миңден ашуун окуучусу катышууда.

Бишкекте 19-ноябрда эркектер жана аялдар арасында бадминтон боюнча турнир болуп өттү. Муниципалитеттен билдиришкендей, спорттук мелдешке 40тан ашык адам катышты. Чемпионат беш категорияда өткөрүлдү: жалгыз эркектер, аялдар, эркектер, аялдар жана аралаш жуптар.

Кыргызстандын ушу-саньда боюнча улуттук курама команданын мүчөсү Авазбек Аманбеков дүйнө чемпионатында коло медалга ээ болду. Бул тууралуу Дене тарбия жана спорт департаментинен билдиришти.

Бүгүн, 20-ноябрда Т.Сатылганов атындагы Кыргыз улуттук филармониясында Кыргыз жана советтик оор атлетчи, Европанын эки жолку жана дүйнөнүн төрт жолку чемпиону, Олимпиада чемпиону, СССРдин эмгек сиӊирген спорт чебери, КР эмгек сиӊирген машыктыруучусу, III даражадагы "Манас" орденинин ээси Каныбек Осмоналиевдин 70 жылдык мааракеси салтанаттуу белгиленди.

Бишкекте күн мурун фехтование боюнча Кыргызстандын чемпионаты болуп өттү. Бул тууралуу Дене тарбия жана спорт департаменти билдирет.

Кыргызстандын дзюдо боюнча жаштар курама командасы Ташкент шаарында (Өзбекстан) өткөн Азия чемпионатында 6 медаль жеңди. Анын ичинде 1 алтын, 3 күмүш жана 2 күмүш. Бул тууралуу Дене тарбия жана спорт департаментинен билдиришти.

Өзгөчө кырдаалдар министрлигинин кызматкери Тилек Арапбаев 16-19-ноябрда Бишкекте өткөн пауэрлифтинг боюнча дүйнө чемпионатында биринчи орунду алды. Бул тууралуу ведомстводон билдиришти.