Кыргызстанда өтө турган дзюдо боюнча Азия жана Океания чемпионаттарына 32 мамлекеттин спортчулары катышат.

Турнир 6-9-апрель күндөрү Бишкекте Арча-Бешиктеги спорт комплексинде өтөт.

Кыргызстандык мушкер Эржан Тургумбеков 27-мартта Екатеринбург шаарында өткөн RCC Boxing Promotions турниринде жеңилип, карьерасындагы экинчи жеңилүүсүн тартты.

Rcc.boxing маалымдагандай, Эржан Тургумбеков (Екатеринбург, 8-1-1) менен Гайбатулла Гаджиалиев (Дербент, 7-2-1) кечки бешинчи беттеште RMK Martial Arts академиясынын рингинде кез келишти. Мушташ 59 килограммга чейинки салмак категориясында өттү.

27-28-март-күндөрү «Газпром-балдарга» дене-тарбия жана ден соолукту чыңдоо борборунда (Бишкек шаары) лоу-кик бөлүмүндө кикбоксинг боюнча Кыргыз Республикасынын чемпионаты өттү. Мелдешке өлкөнүн жети облусунан жана Бишкек, Жалал-Абад, Ош, Токмок шаарларынан 100дөн ашуун спортчу катышты.

27-28 март күндөрү Таш-Көмүр шаарында Армрестлинг спортунун түрү боюнча чемпионат болуп өттү. Мелдеш Сениорлор жана жаштар арасында уюштурулуп, тогуз салмак категлоясында күч сынашкан.

Жеңүчүүлөр жана 2-,3-орун ээлеген спортчулар медаль, дипломдор менен сыйланышты. Иш-чара Спорттун олимпиадалык эмес түрлөрү боюнча дирекциясы менен Кыргыз Республикасынын армспорт федерациясы тарабынан өткөрүлдү

Эркин күрөш боюнча  жаштар арасында Кыргыз Республикасынын чемпионаты өттү. Мелдеш 26-28 март күндөрү Каба уулу Кожомкул атындагы спорт ордосунда болду.  Республикалык чемпионатка өлкөнүн бардык  облусунан  жана Ош, Бишкек шаарларынан келген 260  спортчу катышты. Алар он салмак категорясы боюнча беттешкен. Жеңүүчүлөр жана байгелүү орундун ээлери диплом, медалдар менен сыйланышты. Чемпионат Спорттун олимпиадалык түрлөрү боюнча дирекциясы жана Кыргыз Республикасынын күрөш федерациясы тарабынан уюштурулду.

Кечээ 28-март жеңил атлетика боюнча курама командасы Өзбекистанда болгон  Ташкент марафонуна катышып келди. Марафондун  жыйытыгында кыргыз спортчулары Кыфргызстандын капчыгына  төрт медаль (2 алтын, 1 күмүш, 1 коло) алып келди. Мелдешке жалпы алты спортчу катышкан. 

Баткен районунда дене тарбия жана ден соолукту чыңдоо комплекси пайдаланууга берилди. Бул тууралуу өкмөттүн облустагы өкүлчүлүгүнүн маалымат кызматы кабарлады. Баткен районунда дене тарбия жана ден соолукту чыңдоо комплекси пайдаланууга берилди

Ага ылайык, заман талабына ылайык курулган жабык типтеги спорт комплексте мырзалар, айымдар жана балдар үчүн ден соолукту чыңдап, эс алуу үчүн бардык шарттар түзүлгөн. Имарат эки кабаттуу.