Кыргызстандын бокс боюнча улуттук курама команданын мүчөлөрү Минск шаарында өтө турган (Беларусь) эл аралык мелдешке катышат. Бул тууралуу Дене тарбия жана спорт департаменти билдирет.

Бишкекте спорттун 12 түрү боюнча «Мектеп Лигасы» уланууда. Муниципалитеттен билдиришкендей, мелдештерге Бишкек шаарындагы 100дөн ашык жалпы билим берүүчү мектептер, гимназиялар жана жеке мектептер катышып, жалпысынан 15 миңден ашуун мектеп окуучулары катышууда.

Жалал-Абад шаарында 13-14 жашка чейинки балдар арасында бокс боюнча облус биринчилиги өтүүдө. Бул тууралуу Жалал-Абад шаардык мэриясынын маалымат борбору билдирет.

18-ноябрда Бишкекте Шахмат боюнча ышкыбоздор арасында “Шериктештик кубогу” турнири өтөт. Бул тууралуу Улуттук коопсуздук мамлекеттик комитетинен билдиришти.

Улуттук олимпиадачылар ассоциациясынын президенти Касенов Шаршеналы жана Олимпиада чемпиону Каныбек Осмоналиев Мехико жана Греноблда өткөн олимпиада оюндарынын 55 жылдыгы, Калгари жана Сеулда өткөн олимпиаданын 35 жылдыгы, Пхенчанда өткөн олимпиаданын 5 жана Пекинде өткөн олимпиаданын 1 жылдыгына карата уюштурулган салтанаттуу иш-чарага чакыруу алышты. Иш-чара 2023-жылдын 8-декабрында болот.

Баткен шаарында жаштар үчүн бардык шарты бар заманбап спорт комплекси курулууда. Бул тууралуу президенттин Баткен облусундагы өкүлчүлугүнүн басма сөз кызматынан билдиришти.

Бишкекте кыздар жана эркектер арасында бадминтон боюнча шаар чемпионаты өтөт.