Валейбол боюнча кыргызстандын курама командасынын капитаны «Мыкты оюнчу» номинациясынын ээси Оңолбек Каныбек уулу бойдокчулук менен кош айтышы. Үйлөнүү тою кечээ борбор калаадагы той каналдардын биринде болгон. Маалыматка ылайык келинчеги Кундуз Карыпбекова 29 жашта. Кесиби боюнча дарыгер. 

29-июнда Сочи шаарында өткөн аралаш мушташ боюнча ACA 125 турниринде кыргызстандык мушкер Тилек Машрапов утулуп калды. Машраповдун атаандашы орусиялык Али Багов болду. Мушкер үчүнчү раундда утулуп калды.

Кыргызстандык спортчу Мирлан Эралиев 27-июнда Дүйшөмбү шаарында өткөн улуттук күрөш түрү (гуштингири) боюнча эл аралык мелдеште коло медалга ээ болду.

Футбол боюнча Европа чемпионатынын чейрек финалдык этабынын бардык командалары аныкталды. 26-29-июнь күндөрү 1/8 финалдык беттештер болуп, жыйынтыгында 1/4 финалдын 8 катышуучусу аныкталды. Бул этаптын беттештери 2-3-июль күндөрү Россия, Германия, Азербайжан жана Италияда өтөт.

XXXII жайкы Олимпиада оюндарына ийгиликтүү даярдануу максатында кыз-келиндер күрөшү боюнча Кыргыз Республикасынын улуттук курама командасынын мүчөлөрү 28-июндан 11-июлга чейин Таллин шаарында (Эстония) эл аралык окуу-машыгуу жыйын өткөрөт.

 26-27-июнь күндөрү  "Динамо" спорт комплексинде 2001-жылы туулган уландар арасында жиу-джитсу боюнча Бишкек шаарынын ачык чемпионаты болуп өттү. Бул тууралуу Дене тарбия жана спорт башкармалыгы билдирди.