2024-07-27
Жаңылыктар
Токио олимпиадасына мушкерлер барбайт
Японияда өтүүчү Олимпиада оюндарына тандоо эки баскычта - континенталдык жана дүйнөлүк болуп өтөт. Азия жана Океаниядагы тандоо турнири 2020-жылы 3-11-мартта Иорданияда өткөн. Лицензияларды утуп алуу үчүн ТОП-6га кирүү керек болчу. Ошол турнирде Кыргызстандын спортчулары Олимпиадага жолдомо ала алышкан жок.
![](/images/1129854cc03c73132e430f13c93c463c0ca579e.jpg)
Дүйнөлүк тандоо турнири дагы болгон, бирок коронавирус пандемиясынын айынан кийинкиге калтырылып, андан кийин толугу менен жокко чыгарылган. Калган лицензиялар 2017-жылдан бери төрт ири турнирлердеги оюндарды камтыган рейтингге ылайык бөлүштүрүлөт деген чечим кабыл алынган.
Ар бир салмак категориясында бул рейтингдеги 4 мыкты лицензия алышты. Бул тизмеде Кыргызстандан бир дагы спортчу болгон жок. Эң жакыны Азат Үсөналиев (52 кг чейин) болгон, бирок ага 4 упай жетишпей калган. Кыргызстандык 2017-жылдагы Дүйнө чемпиондугуна чыга албай калды. Ошентип, Кыргызстандын мушкерлери Токио олимпиадасына катышпай калышат. 2016-жылкы Рио Олимпиадасында бокс боюнча мелдеште Кыргызстандын атынан бир спортчу - Эркин Адылбек уулу катышкан.