Мушкер Майк Тайсон эки салмактагы мурдагы талашсыз чемпион Эвандер Холифилд менен күрөшүү үчүн 25 миллион долларлык келишимден баш тартты деп билдирди MMA Fighting. Маалыматка ылайык,  тараптар бир нече айдан бери сүйлөшүүлөрдү жүргүзүп келишкен, ал эми Холифилд тарап келишим сөзсүз түрдө бүтөт деп ишенген. Бирок, Холифилддин өкүлдөрүнүн айтымында, Тайсондун талаптары кабыл алынгыс болуп, келишим ишке ашкан эмес.

20-21-март күндөрү Бишкек шаарында көркөм гимнастика боюнча Кыргыз Республикасынын чемпионаты өттү.

Мелдешке жалпысынан 73  спортчу катышты. 

Мелдештин катышуучулары  скакалка, топ, булава жана алкак сыяктуу дисциплиналарда жарышышты. 

Мелдештин ачылуу аземине Кыргыз Республикасынын биринчи вице-премьер-министри Артем Новиков, Спорттун олимпиадалык түрлөрү боюнча дирекциясынын директору Жоомарт Шамканов, Кыргыз Республикасынын гимнастика федерациясынын президенти Асад Асадов катышты.  

"Эл аралык Олимпиада комитетинин (ЭОК) башчысы Томас Бах оор атлетиканы 2024-жылдагы Олимпиада оюндарынын мелдештеринин программасынан чыгаруу маселеси каралышы мүмкүн" деп билдирди. - 

Тилекке каршы, оор атлетика федерациясы жөнүндө сөз кылышым керек. IWF эскертүүлөргө карабастан биздин талаптарды эске алган жок. Эгерде биздин тынчсыздануубуз жоюлбаса, анда Париждеги Олимпиадага катышуу жана андан кийинки суроолор туулат" - деп билдирди Бах ЭОК Аткаруу комитетинин жыйынтыгы боюнча пресс-конференцияда.

22-23-март күндөрү Каба уулу Кожомкул атындагы Спорт ордосунда (Бишкек шаары) кыргыз күрөш боюнча Кыргыз Республикасынын чемпионаты өттү. Мелдешке өлкөнүн бардык аймактарынан жана Бишкек шаарынан 226 спортчу катышып, алар 7 салмакта күч сынашты. 

Чемпиондор менен байге ээлери диплом жана медалдар менен сыйланышты. 

Пара-жеңил атлетика боюнча Кыргыз Республикасынын улуттук курама командасынын мүчөлөрү Адилет Камчыбеков жана Арстанбек Базаркулов машыктыруучусу Алмаз Абиров менен бирге 18-20-март күндөрү Тунисте өткөн лицензиялык «Гран-при» мелдешине катышты. 

Адилет Камчыбеков дискти ыргытууда коло медаль жеңди.

 

16-21-март күндөрү «Төлөйкөн» ат майданында (Ош облусу) Нооруз майрамына арналган ат оюндары өттү. Улуттук оюндарга Баткен, Жалал-Абад, Ош облусунан жана Ош шаарынан командалар катышты.