Жаш спортчу Аина Маратова Ташкентте өткөн эл аралык фестивалда биринчи оорунду камсыз кылды.

Заманбап спорттун беш түрү боюнча Кыргыз Республикасынын улуттук курама командасынын мүчөсү Радион Хрипченко 7-11-апрель күндөрү (1-этап) жана 15-18-апрель күндөрү (2-этап) София шаарында (Болгария) өтө турган рейтингдик Дүйнө Кубогуна катышат.

9-апрелде, Бишкек шаарында Кыргызстандын дзюдо академиясынын салтанаттуу ачылыш аземи өттү. Иш-чарага Эл аралык дзюдо федерациясынын президенти Мариус Визер, Азия дзюдо союзунун президенти Обейд Аль Анзи, Кыргыз Республикасынын дзюдо федерациясынын президенти Жолдошбек Колбаев, Кыргыз Республикасынын Улуттук олимпиада комитетинин башкы катчысы Саламат Эргешов жана Спорттун олимпиадалык түрлөрү боюнча дирекциясынын директору Жоомарт Шамканов катышты.

Кыргызстандык Эрназар Акматалиев Казакстанда өткөн лицензиялык турнирде Олимпиада оюндарына жолдомо алды. 6-9 апрель күндөрү Алматы шаарында эркин күрөш боюнча квалификациялык турнир өтүп жатат. Акматалиев эркин күрөш боюнча мелдешке 65 кг салмакка чейин катышты.

Жер-жерлерде спортту өнүктүрүү максатында Жалал-Абад облусунда башсычсынын кичи футбол боюнча өтмө кубогу болуп өттү. Мелдештин жыйынтыгында ар бир командага акчалай жана кубок медалдар ыйгарылды.