Кыргызстандык спортчу Дарья Маслова Тажикстанда өткөн Эл аралык жарым марафондун жеңүүчүсү болду.

17-апрелде  Эл  аралык жарым марафону болуп өттү. Дарья Маслова аялдар арасында 21,1 чакырымдык классикалык аралыкты биринчилерден болуп жеңип, алтын медалга ээ болду. Экинчи орунду өзбекстандык Вероника Гришина, үчүнчү орунду тажикстандык Гаффорзода Зулхича ээледи. Эркектер арасындагы мелдеште Адилет Кыштакбеков үчүнчү орунду ээлеп, коло медалга ээ болду. Маслова үчүн бул жеңиш Душанбедеги жарым марафондо төртүнчүсү болду. Ал буга чейин 2016, 2018 жана 2019-жылдары мелдештерде жеңишке жетишкен.