Балбан Атабек Азисбеков Токиодо өтө турган Олимпиада оюндарында Кыргызстандын курама командасынын капитаны болот.

Президент Садыр Жапаров А.Азисбековго Кыргызстандын желегин тапшырып, ал аны Олимпиаданын ачылышында көтөрүп чыгат. Ал грек-рим күрөшү боюнча 87 кг чейинки балбандар арасында күч сынамакчы.

Мурунку Олимпиада оюндарында дагы Кыргызстандын курама командасына балбандар капитан болушкан. Бирок ачылышта желекти башка өлкөнүн өкүлдөрү алып чыкчу.

2012-жылы Лондондогу оюндарда дзюдочу Чыңгыз Мамедов, ал эми Риодо 2016-жылы өткөн оюнда боксчу Эркин Адылбек уулу көтөргөн.

Учурда Кыргызстандын Олимпиада оюндарына 18 жолдомосу бар.