Кыргызстандык спортчу Жантөрө Ташиев Польшада өткөн бокс боюнча өспүрүмдөр арасындагы Дүйнө чемпиондугунда коло медалды жеңип алды. Ал 64 кг салмак категориясындагы мелдешке катышып, 1/16 финалдан баштаган.

 

 

Алгач Ташиев Сербиянын мушкерин жеңип, андан соң Армениянын өкүлүн беттештен нокаутка учуратты. Чейрек финалдык жолугушууда Ташиев орусиялык спортчуну 3: 2 эсебинде жеңип, жарым финалга чыккан. 20-апрелде жарым финалдык беттеште Ташиев Өзбекстандын мушкери менен беттешип, бир добуштан чечим менен утулуп калган.

 

Жантөрө Ташиев бул салмакта 3-орунду ээлеп, коло медалга ээ болду. Бул турнирдин кармаштарын Кыргызстандан кошумча класстагы калыс Мукаш Ырсалиев тейлейт.

64 кг чейин 16 апрель 1/16 финал Стефан Камович (Сербия) - Жантөрө Ташиев - 2: 3

17 апрель 1/8 финал Жантөрө Ташиев - Арутюн Хакобкохян (Армения) - 5: 0

19-апрель 1/4 финал Жантөрө Ташиев - Михаил Зайнулабидов (Россия) - 3: 2

20-апрель Жарым финал Жантөрө Ташиев - Бозорбой Матякубов (Украина) - 0: 5