Кыргызстандык спортчу Кубанычбек Айбек уулу Бишкекте өткөн дзюдо боюнча Азия жана Океания чемпионатында коло медалга ээ болду. Турнир 6-апрелде башталып, биринчи күнү аялдар жана эркектер арасында 5 комплект медаль ойнотулду.

 

 

Айбек уулу 60 килограммга чейинки салмак категориясындагы мелдешке катышып, 1/8 финалдык баскычтан баштап, Түркмөнстандын өкүлүн жеңип алды. Чейрек финалда кыргызстандык Риодогу Олимпиада оюндарынын күмүш байге ээси, дүйнө чемпиону, Азия жана Азия оюндарынын жеңүүчүсү Казакстандан Элдос Сметовду утуп алды.

 

Жарым финалда Айбек уулу Кытай Тайбэйинин спортчусуна утулуп, коло үчүн болгон беттеште өзбек спортчусун жеңип алды.

 

Бул салмак категориясынын жыйынтыктоочу протоколунда ал 3-орунду ээлеп, коло медалдарын жеңип алды.