«Нур-Баткен» футболдук клубунун жетекчилиги команда 2022-жылдан тарта Кыргыз профессионалдык футбол лигасы тарабынан уюштурулуучу Премьер-Лига клубдары арасындагы Кыргыз Республикасынын футбол боюнча чемпионатына катышарын расмий түрдө билдирди.

«Нур-Баткен» - Баткен облусунун атынан ойногон клуб. Өткөнкү сезондордо «Нур-Баткен» Кыргыз Республикасынын Улуттук лигасында ойноп келген, быйылкы сезондо биринчиликтин финалына чейин жеткен. 

Мындан сырткары, клубдун базасында жаш футболчуларды тарбиялаган футболдук мектеп иш алып барат.