Футбол боюнча Кыргызстандын улуттук  курама командасы БАЭде машыгуу өткөрөт.

 

Команда Азия чемпиондугунун тандоо туруна даярдыкты улантууда (U-23).

 

Улуттук курамда учурда 24 оюнчу бар. Команданын Дубайдагы машыгуусу 20-октябрга чейин уланат.

 

Кыргызстандын курама командасынын катышуусундагы тандоо туру 21-октябрдан 1-ноябрга чейин Фуджейра шаарында (БАЭ) өтөт. Чүчү кулактын жыйынтыгы боюнча кыргызстандыктар Е тайпасына кирип, БАЭ, Индия жана Оман менен беттешет.

 

Турнирдин финалдык бөлүгүнө өз тайпаларынын 11 жеңүүчү командасы жана өз тайпаларында экинчи орунду ээлеген төрт мыкты команда өтөт.