AUCA the best 2

2021-12-04

Жаңылыктар

Балбан кыз Мээрим Жуманазарова 22 жашка толду

Бүгүн 9-ноябрь күнү Ослодо өткөн күрөш боюнча Дүйнө чемпиондугунда алтын медалды жеңген кыргызстандык спортчу Мээрим Жуманазарованын туулган күнү. Балбан кыз 22 жашка толду. 

Жуманазарова Мээрим Рахмадиловна 1999-жылы 9-ноябрда Талас облусуна караштуу Бакай-Ата районунун Оро айылында туулган.

Атасы Рахмадил Жуманазаров 1955-жылы туулган, эркин күрөш боюнча машыктыруучу. Апасы Айнура Чолпонкулова 1971-жылы туулган, кесиби фельдшер-лаборант. Мээрим — сегиз бир туугандын төртүнчүсү.

Жуманазарованын ушул кезге чейинки жетишкендиктери: 

2014 — Бангкокто өткөн Азия чемпионатында коло медаль;

2015 — Индияда өткөн Азия чемпионатында коло медаль;

2016 — Грузияда өткөн дүйнө биринчилигинде коло медаль;

2017 — Бангкокто өткөн Азия чемпионатында алтын медаль;

2017 — Финляндияда өткөн дүйнө чемпионатында коло медаль;

2017 — Түркмөнстандын Ашхабад шаарында өткөн жабык имараттагы Азия оюндарында коло медаль;

2019 — Чоңдор арасындагы Азия чемпионатында алтын медаль;

2021 — Токио шаарындагы XXXII жайкы Олимпиада оюндарында коло медаль.

2021 — Ослодо өткөн Дүйнө чемпиондугунда алтын медалга ээ болуп, Дүйнө чемпиону аталган.