28-октябрь күнү Бишкекте Дөлөн Өмүрзаков атындагы стадиондо «Мектеп лигасы» улуттук программасынын расмий ачылыш аземи болуп өттү. Уюштуруучулар – Жаштар иштери, дене тарбия жана спорт мамлекеттик агенттиги, КР Билим берүү министрлиги жана Мектеп лигасы федерациясы.

Ачылыш аземге Кыргызстандын Жаштар иштери, дене тарбия жана спорт мамлекеттик агенттигинин директору Канатбек Шабданбаев, Мектеп лигасынын башкы өнөктөшү, менеджери, Эл аралык кызматташтык боюнча Германия коомунун «Жаштар келечеги» долбоорунун өкүлдөрү, Төрагасы катышты. Орус-кыргыз өнүктүрүү фондунун башкармалыгынын төрагасы Артем Новиков, «Мектеп лигасы» федерациясынын президенти Самат Токтоналиев, «Мектеп лигасынын» башкы өнөктөшү – «Кумтөр Голд Компаниясынын» өкүлдөрү.

«Мектеп лигасы» программасын ишке киргизүүнүн максаты — мектеп окуучуларынын арасында массалык спортту өнүктүрүү жана сергек жашоо образын жайылтуу. Белгилей кетсек, «Мектеп лигасы» долбоорунун башталышына бүгүнкү күндүн реалдуулугу себеп болгон. Кыргызстан эгемендүүлүк алган жылдары спорт тармагын өнүктүрүүнүн так модели түзүлө элек. Өткөрүлгөн бардык спорттук иш-чаралар бир жолку болуп, республикада массалык спортту өнүктүрүүгө негиз түзгөн эмес.

Учурда өлкөбүздүн бардык булуң-бурчунан Мектеп лигасынын сайтында спорттун үч түрү боюнча 1500 команда жана 25 000 окуучу расмий катталган. Мындай масштабдуу долбоор биздин өлкөдө жана КМШ өлкөлөрүндө биринчи жолу ишке ашырылып жатат.

"Мектеп лигасынын алкагында спорттун үч командалык түрү өнүктүрүлөт: атайын даярдыкты талап кылбаган футбол, волейбол жана баскетбол, жабдууларга ири инвестиция. Практика көрсөткөндөй, коммуникацияны, жоопкерчиликти, тартипти, командалык маанайды өстүрүүчү бул командалык оюндар" - деп билдирди уюштуруучулар.

Уюштуруучулардын планы боюнча, аны ишке ашыруунун биринчи жылында эле «Мектеп лигасы» программасы республика боюнча 150 миңден ашык мектеп окуучуларын камтыйт жана бул көрсөткүч жыл сайын өсөт.