Кыргызстандык Айпери Медет кызы Норвегияда өтүп жаткан күрөш боюнча дүйнө чемпионатынын финалына чыга алган жок.

Ал бүгүн, 5 -октябрда 76 килограммга чейинки салмак ченинде чыгып, 1/8 финалдык баскычтан баштады.

 

Биринчи беттешинде Медет кызы болгариялык Мария Оряшкова менен беттешип, 10: 0 эсеби менен жеңишке жетип, чейрек финалда орусиялык Марина Суровцеваны ушундай эсеп менен жеңген эле.

 

 Финалга чыгуу үчүн болгон беттеште кыргызстандык балбан эстониялык Эпп Мае менен беттешти. Медет кызы 3: 1 эсебинде алдыда келе жаткан, бирок акыркы секундаларда чабуулду өткөрүп жиберип, атаандашына жеңишти тартып алууга мүмкүнчүлүк берген.

 

6 -октябрда Медет кызы коло медаль үчүн күрөшөт. Анын атаандашы азырынча аныктала элек.

 

76 кг чейин

 

1/8 финал

 

Айпери Медет кызы - Мария Оряшкова (Болгария) - 10: 0

 

1/4 финал

 

Айпери Медет кызы - Марина Суровцева (Россия) - 10: 0

 

1/2 финал

 

Айпери Медет кызы - Эпп Мае (Эстония) - 3: 3, Мэйдин жеңиши

 

Коло үчүн күрөш

 

Айпери Медет кызы - атаандашы аныктала элек