Айсулуу Тыныбекова Норвегияда өтүп жаткан күрөш боюнча дүйнө биринчилигинин финалына чыкты.

Мелдеш Осло шаарында өтүп жатат.

Учурдагы дүйнө чемпиону Тыныбекова 62 кг салмакка чейинки категорияда катышууда. Ал 1/8 финалда япониялык Ноноко Озаки менен беттешип, атаандашын 6:4 эсебинде жеңген.

Ал эми 1/4 финалда Беларусь Республикасынын спортчусу Вероника Иванова менен беттешип, аны таза техникалык жеңишке жетишкен.

Ал эми жарым финалда  украиналык Илона Прокопевнюкту 5:2 эсебинде жеңди.

Бүгүн, 5-октябрда Тыныбекова алтын медаль үчүн АКШнын спортчусу Кайла Миракл менен күч сынашат.