КРнын Маданият, маалымат, спорт жана жаштар саясаты министрлигинин басма сөз кызматы билдиргендей, спартакиадага жалпысынан 1640 спортчу катышкан. Алардын арасында КМШнын 9 өлкөсүнөн (Азербайжан, Армения, Беларусь, Казакстан, Молдова, Россия, Тажикстан, Өзбекстан жана Кыргызстан) 1172 спортчу (14 жаштан 23 жашка чейин) бар.

Оюндардын жүрүшүндө спорттун 16 түрү боюнча мелдештер өткөрүлүп, Жалпысынан 182 комплект сыйлык ойнотулган.

КМШ оюндарында Кыргызстандын атынан 120дан ашуун спортчу катышып, жалпы медалдык эсепке 38 медаль (3 алтын, 10 күмүш, 25 коло) алып келди.

Жабылуу аземи Универсиада айылынын аймагындагы Туулар аллеясында өттү. Иш-чарага министрдин орун басары-Жаштар, спорт жана дене тарбия мамлекеттик агенттигинин директору Канат Шабданбаев, Россия Федерациясынын спорт министринин биринчи орун басары Азат Кадыров, Татарстандын вице-премьер-министри Рустам Нигматуллин, КМШнын аткаруучу төрагасынын биринчи орун басары, Комитет Леонид Анфимов жана КМШ өлкөлөрүнүн делегациялары катышкан.