Кыргызстандын күрөш боюнча улуттук курама командасы Россияда өтө турган өспүрүмдөр арасындагы дүйнөлүк чемпионатка катышат.

Жаштар арасындагы дүйнөлүк чемпионат 16-22-августта Уфа шаарында өтөт.

Маалыматка ылайык, турнирге Кыргызстандын атынан 26 спортчу катышат.

2019-жылы Эстонияда өткөн өспүрүмдөр арасындагы дүйнөлүк чемпионатта 16 спортчу күч сынашып, 2 медалга ээ болушкан. Мээрим Жуманазарова 2-орунду, Нураида Анаркулова үчүнчү орунду ээлеген.