Кыргызстандын футбол боюнча улуттук курама командасы 2022-жылдагы Дүйнө чемпиондугунун тандоо турундагы оюнун жыйынтыктады. Кыргыз командасы 2022-жылдагы Дүйнөлүк Кубоктун тандоосун экинчи этаптан баштап, анда 40 команда 5 командадан турган 8 топко бөлүнгөн. Кыргызстан курама командасы Япония, Тажикстан, Мьянма жана Монголиянын курама командалары менен биргеликте F тобуна кирди.

Тандоо турунун 8 матчында Кыргызстандын курама командасы 10 упай топтоп, F тайпасынын акыркы турнирдик таблицасында 3-орунду ээледи. Бул жыйынтык тандоо этабынын үчүнчү баскычына чыгууга мүмкүнчүлүк берген жок. Кыргызстандын курама командасы 8 матчта 19 гол киргизди. Бул тандоодо Кыргыз курама командасынын мыкты бомбардири 5 гол киргизген Мирлан Мурзаев болду.

Кыргызстан курама командасынын Дүйнөлүк Кубок-2022 тандоосундагы жыйынтыктары:

1-тур, 5-сентябрь, 2019-жыл Тажикстан - Кыргызстан - 1: 0
3-тур, 10-октябрь, 2019-жыл Кыргызстан - Мьянма - 7: 0
4-тур, 15-октябрь, 2019-жыл Монголия - Кыргызстан - 1: 2
5-тур, 14-ноябрь, 2019-жыл Кыргызстан - Япония - 0: 2
6-тур, 19-ноябрь, 2019-жыл Кыргызстан - Тажикстан - 1: 1
9-тур, 7-июнь Кыргызстан - Монголия - 0: 1
8-тур, 11-июнь Мьянма - Кыргызстан - 1: 8 10-тур, 15-июнь Япония - Кыргызстан - 5: 1