Бишкекте кыз-келиндер курама командаларынын арасындагы 2022-жылкы Азия Кубогунун тандоо оюндары өтөт. Дөлөн Өмүрзаков атындагы стадиондо D тайпасынын беттештери өтөт. Тайпада БАЭ, Ливан, Мьянма жана Гуам командалары беттешет. Мелдеш 18-октябрда башталып 24-октябрга чейин уланат.

Эртең 16-октябрь күнү WBC муай-тай версиясы боюнча Кыргыз Республикасынын чемпионаты өтөт.

Эркин күрөш боюнча балбан Эрназар Акматалиев дүйнөлүк рейтингде 3-орунга көтөрүлдү. Бул жыйынтык октябрдын башында Норвегияда өткөн күрөш боюнча дүйнө чемпионатында көрсөткөн натыйжадан кийин жаңыланды.

17-октябрь күнү маданият өкүлдөрүнөн ортосунда көк бөрү оюну боюнча Достук мелдеши өтөт.

Кыргыз спортчусу, коомдук ишмер Каныбек Осмоналиев 28-ноябрда өтө турган парламенттик шайлоого бир мандаттуу округ боюнча катышуу үчүн Борбордук шайлоо комиссиясына арыз калтырган. Бул тууралуу БШКнын расмий сайтына жарыяланды.

22-октябрь күнү саат 15:00дө Бишкектеги ден соолук паркында спорттук фестиваль өтөт. Бул тууралуу борбор калаанын мэриясынын басма сөз кызматы билдирди.